(8)
ـ إيه دا ؟
ـ يعنى إيه ؟
ـ الجاز إللى بنولع بيه الوابور إللى بيعمل تش تش تش .. وماما بتطبخ عليه الأكل.
ـ وإيه دا ؟
ـ دا الحمار إللى بيجر العربية .
كانا يسيران أمامى أثناء رياضة المشى الصباحية ، هو بجلبابه المتواضع ، وهى تتعلق بكفه ، مجاهدة فى اللحاق بخطوته ، التى تفوق قدرات عمرها الذى تجاوز العامين بالكاد . كان يحمل حزمة من جرائد الصباح بذراعه الأخرى ، حزمة كبيرة يبدو أنه اشتراها لسكان عمارة يعمل بوابا لها فى الناحية .
ـ بُصى قـُدامك وامشى بسرعة علشان ماما مستـَنـِّيانا فى البيت .
ليست هناك تعليقات:
إرسال تعليق